مدونات مكتوب - اضف ادراجا جديدا.
بل سيدة النساء
ـــــــــــــــــــــــــــــــــــــــــــــــــــــــــ
التصنيفات : غير مصنف |
مدونة الشاعر والكاتب المسرحي
| ► | سبتمبر 2011 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
مدونات مكتوب - اضف ادراجا جديدا.
بل سيدة النساء
Normal
0
false
false
false
MicrosoftInternetExplorer4
/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:”";
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;
mso-ansi-language:#0400;
mso-fareast-language:#0400;
mso-bidi-language:#0400;}
شهادة عن : أيام في الإمارات
من : درويش الأسيوطي ـ
الشاعر والكاتب المسرحي والباحث في التراث الشعبي
كانت أيام الأقصر الثقافية التي عقدت بالشارقة ودبي وأبوظبيخلال الفترة من 5/5 حتى 8/5/ 2010 ، فرصة للقاء لأصدقاء من المبدعين منهم من لقيته من قبل ومنهم من سعدت باللقاء معه لأول مرة . ولعل اللافت للإنتباه هو المشاركة الفاعلة للمرأة في النشاط الثقافي بالإمارات، فقد كان حضور المبدعات منهن حضورا بارزا مثل: أسماء الزرعوني وجميلة الرويحي والهنوف محمد وشيخة عبد الله المطيري ، بل إن إسلام شكير لم يتحمل وحده عبء تنفيذ برنامج ا
مسرحية تأليف :
[ يعتقد الحمقى فقط أن الفكاهة ليست من الجد في شئ ]
الشخصيات :
· حلاوة شخلع : حلاوتهم سفيرة البلاد التانية
· أبوعجور : السلطان
· سيكا عاملها : قائد الفرقة الموسيقية
· شعيط : المواطن3
· ضلفة النجار : المواطن1
· معيط : الحارس
· هنادي الدكر : الحامل
· أبوقردان : مواطن4
· عويضة الملز : المنادي /المواطن2
· نطاط الحيط : سيد قراره
· رجال وفتيات وشباب .
إفتتاحية :
يبدأ العرض بما يسمى بالدوزنة أو ضبط الآلات الموسيقية ، بعد لحظـات يقف المايسترو [ سيكا ] في السبعين تقريبا من العمر ، في ملابس ريفية [ فانلة بكم وسـروال جمالي وفوقهما صديري مخططا بالطول ] مثل معظم أعضاء الفرقة ، في يده غصن شجرة به ورقة أو ورقتين كأنه قطع للتو من فرعه . يرفع [ سيكا] يده بالعصا أمـــام الفرقة الموسيقية التي أخذت جانبا من من مكان الـعرض . يسـود الصمت شبه الجاد لحظة وقبل أن يهم [ سيكا] بالإشارة ببدء العزف ، ينطلق صوت ناشز من آلة موسيقية بشكل مضحك تتراخى يد سيكا ناظرا حوله وكأنه يبحث عن مصدر الصوت .]
أبو شبت : شفيتم يا اسطى سيكا ..!!
[ تتناثر بعض الضحكات ]
[ سيكا في غضب يرفع يده ويعطي الإشارة ببدء العزف للمقدمة الموسيقية التي تستمر للحظات . تدخل حلاوة مع انتظام العزف لتغني ، راقصة في خلاعة ، وتستعرض مفاتنها أثناء الأداء ]
حلاوة : يا امه تعاليلي
كورس : يا امه
حلاوة : وهـاتي مناديلي
كورس : يا امه
حلاوة : دي هدومي اتبلت
مـن عيني يا ليلي
يا امه
كورس : يا امه تعاليلي يا امه
وهاتي مناديلي يا امه
دي هــدومي اتبلت
من عيني يالــيلي
حلاوة : المخفي فتيحـه
كان حاطط ريحه
والريحه تــدوخ
وأنا قلبي مـدروخ
من أول بصـه
من تحت القصه
أنا رحت طريحة ..
يا امه
كورس : يا امه تعاليلي يا امه …
حلاوة : الواد فرافيروا يا امه
كان حالق زيرو يا امه
وف ودنه معلق
دبلة وحـلقلـق
وقعني ف حبه
ينشك ف قلبه
ما بأحبش غيره
يا امه
كورس: يا امه تعاليلي يا امه
حلاوة : والشاب مامي يا امه
جاني ف منامي يا امه
ف قميصه النقشه
مرووشه وروشه
لكن نفـــض لي
وضحك على عـقلي
ومشي قدامي
يا امه
[على نفس الإيقاع الغربي الذي أصبح معتادا تؤدي حلاوة رقصة قصير ومع نهاية الرقصة
يستدير أبو شبت محييا مع حلاوة التي تنصرف سعيدة ويبقى أبو شبت في الدائرة .]
[ إضاءة ]
[ أبو عجور يصعد صامتا إلى مكان العرض ، والذي هو في الواقع بقعة مستديرة من المكان يمكـن أن تكون مرتفعة قليلا عـن الأرضية . يتقدم أبو شبت منه مبتسما في حماس . ]
أبو شبت : إيه رأيك يا ريس أبو عجور .. ؟
أبو عجور : ف إيه يا ابو شبت ؟
أبو شبت : في اللحن .. !!
أبو عجور : اللحن و الا اللحم يا أبو شبت .. ؟!!
أبو شبت : يا ريس خليك سبور و روش كدا ..!! هيه صحيح البت حـلاوة
زودتها حبة في البروفة .. لكن ما كل الأرتستات بيعملوا كده ..؟!!
الله انت ما بتتفرجش على الفضائيات يا ريس ..؟!!
أبو عجور : فضائيات ؟ إحنا مالنا ومال الفضائيات ..؟ إحنا مش على الارض
بس .. إحنا ع البلاطة .. البلدية ما سابتلناش حاجه .. لكن مع كدا
ده مسرح مش صالة يا أوباش ..
أنا كان مالي .. ما كنت حر .. أقـدم روايتي ف أيتها حتة ..
كل يوم ف عش .. زي الظارظير .. قلتوا لي لازم يكون لنا مقر
ثابت .. فرشنا هنا .. وآديكم شايفين إللي حصل .. ومن ساعتها
ما حد بص ف وشنا .. !!
شعيط : [ مواسيا بشكل مبالغ فيه ]
انت راجل مؤمن يا حاج .. وكله من عنده .. !!
أبو عجور : [ جادا ] ونعم بالله يا شعيط يا أخويه .. [ مستدركا في حدة ] بس
الإنسان على نفسه بصير .. إحنا ما كانتش لينا الخنقة دي !!
ثم إيه اللي بتعمله الست حلاوة ده ؟ !!إيه علاقة التضاريس اللي
فارشه خرايطها قدام الناس .. بالغنا ؟!
عويضة : والنبي يا ريس ما تكسر بخاطر البنية .. قولها حلو …!! بس قال
البروجرام زحمة ومش هنقدر نقدمك .. دي بت مخلصة ومنكسرة وبنحتاج لها .. قلها حلو .. !!
أبوعجور : هوه إيه اللي حلو يا عويضة ..؟ دي فضيحة فنـية يا ملز .. وبكل
المقاييس .. من حيث الكلمة والنغمة والأداء .. لهو انت عايزني أنا
أقدم الهلس ده على مسرحي ..؟!! لا .. أبدا مستحيل ..
هنادي : [ تصعد وفي يدها كرتونة بها قراطيس اللب ]
الله يرحم أيام الشغل مع الغوازي .. !!
[ تقلد الغوازي في رقصة جنسية ]
حط ايده ع الشفتشي
قولت له عيب اختشي
ولد عمي جه ما مشي
يضربك تصعب عليْ ييييييييييييييي
أبوعجور : [ بشكل تمثيلي مبالغ فيه ]
هنادي الدكر ؟!! حمار مين اللي رجعها الجوق من ورايا ؟
هنادي : يا عم أنا ما رجعتش ولا حاجه ..!! هيه تماحيك .. ؟!! أنا بألقط
رزقي .. والا دا حرم لاخر … ؟!!
عويضة : واحنا نقدر نستغنى يا بريمادونا .. ؟
هنادي : الله يسترك يا عويضه يا حساس .. يا ابو لسان بينقط شهد ..سامع
يا عجة ؟
أبوشبت : مش وقت النقار يا هنادي ..
هنادي : الله ..!! مالك يا ريس ؟
أبوعجور : مش شايفه وقف الحال اللي إحنا فيه يا هنادي ؟
أبو قردان : هوه يعني وقف الحال جديد علينا ؟
شعيط : قول له يا أبوقردان يا أخويه ..!! ما احنا طول عمرنا يوم شغالين
وعشرة بلاطة ..!!
أبو قردان : الصبر ..
نطاط : الصبر حرق الدكان يا أبو قردان ..
شعيط : عندك حل يا نطاط الحيط .. ؟
نطاط : اللي يدور يلاقي .. !! نفكر في حل ..
أبوعجور: مين اللي يفكر ؟ انتوا ؟!! .. ليه ؟ هيه البغال الأسيوطي بتفكر ؟
نطاط : الله يسامحك يا ريس ..
أبو شبت : ما قلتلك احنا محتاجين ورق يا ريس ؟
معيط : الله ؟ .. ورق إيه ؟ هوه احنا هنفتح كتبخانة ؟ واللى هنشتغل
عرض حال ..؟!!
أبوشبت : ورق .. يعني نصوص .. يا معيط ..
معيط : لصوص !! ؟ هوه احنا هنفتح منسر والا مسرح ؟
أبوعجور : يا معيط … أبو شبت يقصد نصوص .. يعني روايات نشخصها ..
معيط : آه .. صح .. مش تعالي لي يا امه .. !! إحنا محــتاجين رواية
جديدة .. تقول للقيامة قومي ..
هنادي : والله ما هتقوم غير قيامتكم يا غجر .. مش عاجبكم شغل حلاوة
شخلع ليه ؟
عويضة : شغل إيه يا وليه ؟ !!
هنادي : ولولوا عليك يا بعيد..!! إيه .. انت بتتطهد المرأة يا ملز .. ومش
خايف ؟ إيش حال لو ما كنتش من تراب الميري يا غفير الندامة
يا ابو نمرة عيرة ؟!!.. طيب استنى عليه والله إن ما كنت تنتسل
وتستقيم يا عويضه يا ملز .. لاكون شاكياك في المجلس الأعـلى
للنسوان .. !!
ومش بعيده تنشال نمرة الغفر عنك .. و أجرجرك لمجلس الأمن …
يا خارج عن الشرعيه الدوليه ..!!
عويضة : الله الله .. إلحق يا ريس .. دي البت هنادي بقت بتلعب في السياسة
الدولية !!
هنادي : لعبت عليك مصارينك .. همه اللي بيلعبوا في السياسة أحسن مننا
طب افتح بشغل البت حلاوة .. وشوف الخلق هتشغي هنا والا لأ ..
أبوشبت : اقطع دراعي ما هيفضل كرسي فاضي ..!!عارفين احـنا محتاجين
شوية وظاويظ روسي كده .. و نلبسهم مايوهات .. !!
أبوعجور: وظاويظ روسي ؟ !! .. والعاهات دول أوديهم فين ؟
ضلفة : طول عمرك حنين يا ريس .. أيوه .. احنا هنشتغل ايه ؟
أبوشبت : بودي جارد يا ضلفة ..
ضلفة : يعني أسيب الاسطى بتاعي .. وأروح أشتغل مع عادل امام ..
مستحيل ..
هنادي : وانت تطول يا معفن ؟ .. أبو شبت قصده تشتغل غفير لينا ..
ضلفة : غفير ؟ ليكي ؟ ليه عدم المؤاخذه .. ؟
هنادي : كلك نظر يا نجار التوابيت ..
ضلفة : الله .. همه الغفر بيعينوا عليهم غفر .. ؟!!
أبو عجور : فضونا من القافيه دي .. !! أنا بأتكلم جد .. المشكلة مش بس
الآلاتية والملحنين إللي بيقلدوا الخواجـات .. لا .. كتاب المسرح عندنا بيقلدوا الخواجـات همه كمان . !! عشان كده بيكتبوا مسرح مضروب .. حاجات ماسخة ما لهاش طعم ..بالظبط زي الفراخ المستورده .. !!
أبو قردان : و ليه نشتغل في المضروب .. ؟!! سيبك من التقليد .. وخش ع
الأصل .. دا حتى المثل بيقول ع الأصل دور .. نقدم ســكسبير
وموليير زي الريحاني ويوسف بك وهبي ..
أبوعجور : أبدا .. بعد التاريخ الطويل ده كله .. نلبس جاهز .. ومستورد يا أبو
قردان ؟!!
أبو قردان : ليه لأ ؟!!
عويضة : الجاهز يا أبو قردان .. محتاج توضيب .. والمستورد معمول لذوق
غير ذوقنا .. !!
أبوشبت : صح يا واد يا عويضة .. واحنا زهقنا من القص واللزق .. عايزين
حاجه تفصيل ..
أبوعجور : كده تبقوا فرقة أبو عجور صح ..!! إحنا ضروري نفصل الكلام
على قدنا .. فيه ريحتنا .. ولما نغير .. يبقى بايدنا .. مش بإيد الخواجه مهما كان اسمه .. شكسبير والا موليير !!
هنادي : ما نعمل إحنا الرواية ؟
أبوعجور : أنا بأفكر أعمللكم رواية .. لكن ..
معيط : لكن إيه يا ريس .. ؟ ما كله بحسابه .. !!
أبوعجور : التأليف مش لعبة .. دي شغلانة عايزه وقت .. ومجهود .. وغذا
ضلفة : إن كان ع الوقت أطول من الهم على القلب ..!! هوه إحنا لاقيين
حاجه نعملها ..؟!! طب دا أنا كل حين ومين ييجيني زبون ..!! أما إنت يا ريس فأفضى من بال الظرظور ..!!
أبو عجور : بس التأليف عايز مجهود .. والمجهود يلزمه طاقة .. بتاع نص
كيلوا كباب وكفته .. وبتاع كيلوا سكر وورقة شاي .. !!
ضلفة : نلم من بعض و نعمل جمعية …. !!
هنادي : أنا قلت نعمل إحنا الرواية ..!! مش تعمل لنا انت رواية ؟
أبوعجور : نعم ؟ تعملوا انتوا رواية ؟ .. جرى ايه يا دكر ؟ .. ما تقولوا لها
حاجه يا جماعة ؟ هنادي الدكر هتألف ؟!! الله .. هوه حصل إيه؟!!
الدنيا اتقلب حالها ؟.. ما أنا طول عمري بأفكر لكم .. ؟!!
عويضة : وآدي النتيجة يا ريس .. !!
أبوعجور : [ ممثلا في مبالغة فجة ]
أي ..!! [حتى أنت يا بروتس ..قصدي يا عويضة ؟!! ] ..
[ في جدية ] الله .. ده انقلاب بقى ؟
أبو شبت : لا انقلاب ولا حاجه .. ده تغيير وإصلاح .. الفرق كلها شغـالة في
الإصلاح ..!!
عويضة : أنا حتى سمعت طراطيش كلام كده .. إن الوزارة .. ناوية تغير
بمعرفتها .. في الفرق العدمانه إللي زينا .. إللي مش هتوفق
أوضاعها !!
أبوعجور : يعني إيه ؟ .. العالم بقى إصلاحية يا جدعان ..؟!! ..دا تدخـل في
خصوصيتنا لا ..إحنا ما نسمحش لحد يحط إيده ف دواخلنا .. إحنا
جوق عريق .. أنا رابع أبو عجور في العيلة .. وطـول التاريخ ..
احنا اللي بنفكر .. وانتوا تشخصوا ..!! إيه اللي استجد ؟!!
[ يتبادلون النظرات في صمت للحظات قبل أن يتشجع أبو قردان ]
أبوقردان : ما فيهاش حاجه يعني .. لما نفكر احنا مرة ..!!
عويضة : من نفسنا .. !!
أبوعجور : الله .. دا انتوا متفقين عليه بقى .. !!
أبوشبت : يا ريس .. كل الفرق لها مقعد فني .. بيفكر لها .. ويتكتك لها ..!
أبوعجور : قصدك مجلس فني ..!! صح .. وأنا المجلس .. هوه أنا رحت فين ؟
والا ما عدتش مالي عنيكم ..؟!!
هنادي : طب اشركنا معاك !!
أبو عجور : وأبقى ريس ازاي يا هنادي ..؟ المركب إللي ليها ريسين تغرق .. !
[ مناديا عامل الإضاءة ] شد السكينة يا يونس .. أنا خأليها لكم
ضلمة يا نور .. [ في جانب من المكان منفردا ويديه في وسطه
متحديا ] هأطلعكم معاش مبكر يا غجر .. وابقوا شوفوا مين
هيشغلكم .. !!
[ إظلام لمكان العرض ]
مدخل :
[ أبوعجور على الدائرة يروح ويجئ متأملا ورقة في يده في عصبية ، يبدأ توافد الفرقة فرادى ، بعضهم يتثاءب ، والبعض يفرك النعاس من عينيه ، يتجمعون في كتلة صامتة في الجانب القريب من أبو عجور ، يتطلعون إلى أبو عجور في توجس ]
هنادي : [جانبا ] ورقة أيه دي يا جماعة اللي عملت فيه كده ؟
ضلفة : [ جانبا أيضا ] أكيد ورقة الطلاق ؟
عويضة : والنبي تتنيل ..!! هوه الريس كان أتجوز .. !!؟
معيط : [ معيط هارشا رأسه متوسطا بين المجموعة هامسا ]
الريس أبو عجور لازم كان عنده جدري وهوه صغير ..!! ودي أكيد شهادة التطعيم .. !!
ضلفة : سبحان الله ..!! أخيرا افتكروه وطلعوها .. ؟ صحيح الحكومه يومها بسنة
وميتها ما يموتش ..!!
[ ضحك من الجميع عدا ضلفة ]
أيوشبت : إششش .. وطوا صوتكم .. الريس شكله شايط .. !!
أبوقردان : يكونش خدها من قصيرها واستقال .. ؟
الجميع : إيه ؟ استقال ؟
عويضة : مش بعيدة .. من ساعة ما طالبنا نشاركه في التفكير و التأليف .. وهوه
شايط ..!! ومش حامل دبان وشه !!
هنادي : يستقيل .. ؟!! لا .. الريس ما يعملهاش ..
ضلفة : طب أنا لو استقلت .. عندي ورشتي .. وأشتغل نجار طبالي حتى .. لكن
الريس لو استقال .. يشتغل إيه ؟!!
أبوقردان : وأحنا هنقلب دماغنا ليه ؟ آدي الجمل وآدي الجمال .. ما نسأله !! بس
أمانه تخلوا بالكم مني .. حوطوا عليه .. دا راجل نضره خفيف وإيده
طرشة .. !!
[ محاولا التخفي خلف المجموعة ]
استقالة دي يا ريس ؟
أبوعجور : إمشي استقالت منك روحك .. !! الرويسا ما يعرفوش استقالات يا غبي ..
تقدر تقولي مين من الرويسا استقال ؟ .. البكباشي .. والا الركن .. والا
العقيد .. ؟!!
نطاط : عندك حق .. ما حدش .. !!
ضلفه : أمال الورقة دي إيه ؟
أبو عجور : ده انذار من الوزارة ..!!
عويضة : جالكم كلامي ..؟ إنذار من الوزارة .. !!
ضلفه : إنذار بالطاعة يا ريس .. ؟!!
أبو عجور : هيه صحيح الوزارة متجوزانا من غير مهر .. بس ده مش أنذار بالطاعة
ده أنيل … !!
الجميع : أنيل ؟ !!
أبو عجور : هيحلوا الجمعية اللي بنشتغل باسمها ..!! ارتحتوا يا غجر ..؟!!
هنادي : يحلوها ؟ ليه ؟
أبو عجور : لإنها ما عملتش حاجه .. إدوها انذار ..
عويضة : أنا أعرف الإنذار ياخده اللي يعمل حاجه ما تعجبش الحكم .. ؟!!
أبو قردان : إحنا بقى عملنا اللي ما يعجبش حد .. !! إنتوا ناسيين عملتوا إيه في نص
توفيق الحكيم ..؟ أبو عجور سلطان حاير .. أكيد سلط علينا الحكومة ..
أصل الراجل أبو كاسكته ده .. واصل قوي .. !!
أبوشبت : بس توفيق الحكيم الله يرحمه .. مات من زمان .. !!
أبو قردان : والله .. ؟!!
أبو عجور : يبقى حد زرنا غيرة ..!! الفرق المنافسة .. بتلجأ إلى أساليب غير أخلاقية
ياللا ..!! ربنا مع المنكسرين جابر .. همه بيقولوا ما عملناش الموسم ده
نشاط ملحوظ ..
أبوشبت : إزاي ؟ .. أمال العروض إللي بنقدمها دي إيه ؟ .. مش نشاط ؟
نطاط : نشاط .. بس مش ملحوظ ..
أبوعجور : الظاهر الوزارة ناويه ترمي العجينة .. وبتتلكك .. عايزة تلحس الإعانة اللي
بتصرفها لنا ..!!
نطاط : إحنا لازم نرد عليهم عملي ..
هنادي : صح .. نطلب مندوب الوزارة .. يحضر العرض الجديد ..
أبوعجور : وهوه فين العرض ده .. ؟!! أنا لسه ما قلتش يا هادي في كتابة الرواية ..
ما ضربتش فيها خط ..
عويضة : ما احنا رسينا على الفكرة .. مش اتفقنا نقـدم رواية [ الامبراطور أبو
عجور ] .. ؟!!
أبوعجور : أيوه .. بس هيه فين الرواية ..؟ احنا ما عندناش غير اسمها ؟!!
أبوشبت : تفرج يا ريس .. !!
أبوقردان : وانت مستهون بالاسم با ريس ..؟ دا أصعب وأهم حاجه في الرواية اسمها
ضلفة : معلوم .. مش هوه اللي بيجذب المسامير ..؟!! قصدي المتفرجين .. ؟!!
أبو شبت : [ ينطق الاسم بإعجاب وتأمل ] الأمبروطور … أبو عجور ..!! الله .. أكيد
هيبقى عندنا سلطان .. ووزير .. ؟!!
عويضة : أيوه .. بس السلطان والوزير يعملوا ايه ؟
أبوشبت : يعملوا حكومه يا آخي .. !! يحكموا الناس دي ..!! يشكموها .. !!
معيط : أيوه حكومة تعمل إيه بالظبط ؟
أبو شبت : هيه الحكومات بتعمل ايه ..؟ السلطان من دول .. يقعد على كرسي العرش
وينجعص كده هوه ويقول
[ أبو قردان رافعا يديه إلى أعلى ، ويسرع ضلفة بالانبطاح فوق ركبتيه
مستندا على ركبتيه وكفيه ليشكلان معا كرسي العرش ]
أبو عجور : يا وزير ..
[ يتقدم أبو شبت منحنيا مشيرا لأبي عجور بالجلوس على العرش ]
أبوشبت : حكمك يسير يا عظمتك ..
أبو عجور : أنا عايز … عايز .. آه … عايز أشوف .. سعيتي السعيدة .. قصدي
رعيتي السعيدة ..!! شعبي وحشني ..!! فيه كلام كتير عايز أقوله له ..
أبو شبت : أمرك يا عظمتك .. نطلع المنادي حالا …. ويقفل عليهم السوق .. يطلعـهم
من الشقوق .. ويجمعهم جمع البرقوق ..!! شوف شغلك يا إعلامجي ..!!
عويضة : [ مناديا يتجول في المكان ] يا أهل السلطنة الكرام .. مولانا السلطان .. دام
عزه ودام .. هيعلن الليلة بيان ..!! ومطلـوب من الرعية .. التجمع من
الآن .. في ساحة القصر الكبير .. الصغير قبل الكبير والحريم قبل الرجاله
واللي يتخلف عن الخروج .. ذنبه على جنبه ..!! [ يكررها ]
يا أهل السلطنة .. مولانا السلطان …
[ مغنيا ]
يا سعدكم يا هناكم
سلطان زمانه دعاكم
يا سعده من جه زاره
الفرحه تدخــل داره
واللي يطنش
له حساب
وكل ذنب
وله عقاب
فلتحذروا طول التأخر والغياب ..
فلتحذروا طول التأخر و الغياب
[ يبدأ الجميع في الخروج من المكان والعودة بملابس الرواية ومكملاتها
بينما ينهي عويضة الأغنية نهاية أوبرالية ]
[مجلس السلطان ، أبو شبت يقف إلى اسفل يمين المكان في صمت ، الملابس التي يلبسها تنتمي إلى عصر المماليك ، لكنه يضع على رأسه طـاقية كبيرة كطاقية كبير الطهاة [ الشيف ] أبو عجور يستكمل ارتداء ملابسه التي تنتمي إلى نفـس العصر أمام النظارة . في الخلفية بعض الممثلين يتممون ارتداء الملابس في خفة وصمت ثم يغــادرون دائرة التشخيص بهدوء ، يشـير أبو شبت من مكانه إلى الفرقة الموسيقية التي احتشــدت في جـانب من المكان ، تبدأ الفرقة في عزف بعض المارشات العسكرية التي عادة ما تذيعـها الإذاعـة قبيل الانتقال إلى إذاعة خارجية في مناسبة هامة والتي تسبق البيانات العسكرية عادة .
يتجه أبو عجور إلى كرسي مرتفع الظهر في وسط أعلى المكان ، قريب الشبه من تشكيل ضلفة وأبو قردان في المشهد السابق ، الكرسي مكسو بالساتان الأحمر ، على يمينه مائدة صغيرة ، يجلس أبو عجور في تعاظم ، بينما ينحني أبو شبت في خضوع . ]
السلطان : [ أبو عجور ] يا وزير ..
الوزير : [ أبو شبت ] أمرك يسير ..
السلطان : عندنا إيه النهارده .. ؟!!
الوزير : [ يرفع رأسه مبتسما ] فضلة خيرك .. كل خير يا مولاي .. خير وايد ..
[ يقدم الوزير صينية طعام عليها ملفات وردية اللون إلى السلطان يضعها على مائدة صغيرة في متناول يد السلطان ]
تقارير الرأي العام الخارجي .. وتقارير العسس السلطاني اليومية يا مولاي
السلطان : أنا ما أحبش أقرا التقارير إياها ..!! بترفع الضغط .. وتزود السكر ..
وتركز الكلوسترول ..!! طمني .. الرأي العام العالمي أخباره إيه ..؟!!
أبو شبت : ما تسيبك من الرأي العالم العالمي يا مولاي .. !!
السلطان : ليه يا وزير ؟
الوزير : الجماعة قالبين عليك قلبة البت على مرات أبوها ..!!
السلطان : الله .. ليه ؟ إحنا مش انفتحنا زي ما طلبوا ؟
الوزير : انفتحنا بس .. ؟!! إحنا اتبهوقنا يا مولاي … !!
السلطان : واتخصخصنا ؟!!
الوزير : واتخصينا .. وبعنا اللي ورانا واللي قدامنا للي يسوى واللي ما يسواش ..
السلطان : وبطلنا نزرع قطن وقمح .. و حرمنا نزرع حاجه غير الكانتلوب .. وخيار
السلام .. ؟!!
الوزير : حصل .. وأمة لا إله إلا الله شاهدة ..
السلطان : أمال فيه إيه تاني ؟!!
الوزير : المرة دي بيقولوا كلام غريب يا مولاي .. عايزين .. الشفافية ..
السلطان : شفافية ؟!! يعني إيه ؟
الوزير : جايز عايزينا نلبس حاجه شفافة يا مولاي .. !!؟
السلطان : بس دي تبقى فضايح يا وزير .. ؟!! دا أنا السلطان أبو عجور .. لو لبست
حاجه شفافة .. كل شئ هيبان قدام السعية .. !! والناس عنيها وحشـه يا
حبيبي ..!! أوري وشي إزاي للسعية بعد ما يشوفوا المستخبي ؟!!
ده إحراج للسلطان .. لا .. لا ..إحنا نرفض ..ونشجب ونستنكر وندين . !!
الوزير : ما نقدرش ..
السلطان : ليه ؟!!
الوزير : لو رفضنا هينشفوا ريقنا ..
السلطان : هيعملوا إيه أكتر من كده ؟
الوزير : بنك النكد الدولي هيسك على كل المشاريب .. لا عونة ولا مساعدة ولا
سلف .. وجايز يحجز علينا يا مولاي .. !!
السلطان : يحجزوا … !! هوه إحنا حيلتنا حاجه ؟!!
الوزير : أنا بس حبيت أنور لك على المواضيع .. هيه نفتح الملفات ..
السلطان : داهيه تغمك ..!! خلاص .. خلاص .. سيبنا من الرأي العام العالمي .. خلينا
في الرأي العام المحلي .. !! بس سايق عليك النبي اقرا .. الملفات الورديه
بس .. أنا مش ناقص غم ..
الوزير : كل الملفات ورديه يا مولاي زي ما انت شايف .. تقرير الرأي العام هـذا
الصباح بيقول
[ يفتح أحد الملفات مغنيا ]
كل الرعية في ارتياح ..
مرحرحة تحت الجناح
تدعو بطول العمر لك ..
من المسا .. لحد الصباح
السلطان : [ يضحك بطريقة فجة ]
جميل .. جميل .. أظن مشكلة رغيف العيش اتحلت يا وزير ؟
الوزير : هيه ما كانتش مشكلة يا مولاي أصـلا ..
السلطان : يا ابني أنا بنفسي شفت الناس بتاكل لحم بعض في طوابير العيش .. !!
الوزير : صادق يا مولاي ..!! بس إحنا .. بتويجهاتكم يا مولاي .. تعمدنا إننا نشغل
الناس في الجري ورا اللقمة ..!!! عشان ما يفضوش للقضايا المزعجه ..
زي الحـرية والاستقلال .. والعدالة .. والحاجات الهايفه دي .. !! فجينا
شوية على اعتمادات الطحين ..
السلطان : يا ابن الجنيه ..!! والواد الإعلامجي يقول .. ده اختناق بسيط في وسائل
النقل جعل الطحين يتأخر ساعات .. ؟!!
الوزير : لكن الحمد لله ..الحمد لله .. صحيح الطحين شاحح شويه .. لكن بفضل
توجيهات عظمتك .. وفرنا الكانتالوب .. والتفاح والمشمش والمكسرات
والياميش كمان .. من أفخر الأصناف .. وكله مستورد ..!!
السلطان : الحمد لله .. سعيتي عرفت الكانتالوب ف حياتي ..!! هات التقرير الأخير
يا وزيري .. بيقول إيه ؟
الوزير : يقول التقرير الأمين الأخير يا مولاي
[ مغنيا ]
بيقترح أهل التموين ..
المخلصين
ارسال معونة للتانيين ..
الجعانين
على الله يتمر ف عنيهم
ويرفعوا عــنا ايديهم .. !!
كل الرعيه شبعانه
ولسه المخازن مليانه
ونسأل المولى القدير
أن يكفنا شر التبذير
أصل المبذر ده شيطان
والامر مفوض للسلطان ..
السلطان : [ يضحك نفس الضحكة الفجة ] ما شاء الله .. ما شاء الله .. والناس..
مبسوطه يا وزيري ؟!! ..
الوزير : الشعب آخر انسجام
و كل حاجه في التمام
ونجم مولانا المعظم في صعود ..
كل الممالك حولنا
ما بين متيم أو حسود
بفضل عمق نظرتك
وحكمتك
وعمق عمق محبتك
الأمن سايد ع الحدود
أما العساكر والجنود ..
بدال طوابير العلام
بينتجوا .. ويصنعوا
ويقلعوا ويزرعوا
لشعبنا .. خيار السلام .. !!
السلطان : [ متثائبا ] يا سلام ..
كدا يا وزير .. أقدر أنام .. !!
[ يخرج مع لازمة موسيقية مناسبة ]
أبو شبت : فيه إيه يا أخوانا ..؟!! الفصل لسه ما خلصش ..
أبوقردان : وده فصل برضه يا مؤمن ؟!!
نطاط : إنتوا بتعملوا حاجه بنشوفها كل يوم!!
أبو شبت : مش اتفقنا نعمل [ الامبروطور أبو عجور ] يا نطاط ؟!!
أبو قردان : ما دام عكمت لك دور سقع ..يا معالي الوزير .. مش مهم الباقي ..
إن شالله ما عن أهلهم شخصوا .. !!
ضلفه : إحنا مش موافقين على اللي بيعمله السلطان ده ؟
أبو شبت : هوه يعني السلطان كان عمل إيه ؟ ما كل السلاطين بتعمل كدا ..؟!! إنت
فكرك اللي بتشوفه في الفضائيات ده حقيقي ..؟ أبدا .. كل اللي بتشوفهم ..
مشخصاتيه .. إللي يشخص وزير واللي بيشخص خبير .. وهوه ما يعرفش
السما من العما ..
[ مساحة للإرتجال ]
يقعد يجخ كلام ولو حد اتصل بالتليفون يصحح أو ينبه ..
[ مقلدا بعض المذيعين ] عذرا .. لا نسمعك جيدا من فضلك .. اخفض
صوت التلفاز .. واتصل من خط أرضي .. !!
هنادي : صح كلامك .. بس إحنا عشان نبقى محترمين في عين الناس .. لازم نعمل
حاجه مختلفه ..!!
أبوعجور : [ داخلا ولم يخلع سوى التاج ]
اختلفت ضلوعك ف بعض يا هنادي يا دكر ..؟!! كنتي عايزاني أعمل إيه
أقبل الشفافية ؟! طيب أستقبل السفرا الأجانب إزاي ..؟ عايزه السلطان ..
يفرج السفيرة على عورات البلد ؟ عايزاني أخللي البلد فرجة ليه .. ؟ ما
فيش دم ؟!!
ضلفة : يا ريس .. الناس مش هتصدقنا .. !!
معيط : وده معناه .. إنهم هيصدروا لنا الطرشة .. وما حدش ييجي يتفرج على
الرواية ..!!
أبوقردان: بالعقل يا ريس .. لو عندك عقل لا مؤاخذه .. مين هييجي يتفرج على
روايه بيتفرج عليها كل يوم ..؟!! لازم من التغيير ..
أبوعجور : إيه حكاية التغيير دي ..؟!! شوطة .. والا فره ؟!! .. ما احنا من أيام قوم
واقعد واحنا زي ما احنا .. ما حدش قال لنا غيروا ولا بدلوا .. ؟!!
أبوشبت : يا جدعان ما فيش أحسن من الاستقرار ..!! الريس يحب الاستقرار ..
معيط : طبعا .. ما فيش أحسن من الاستقرار طول ما اللي انت عايزه .. ف إيدك
يعني طول ما إنت الوزير .. وهوه السلطان فليحيا الاستقرار ؟
أبوشبت : لما يبقى أبو عجور سلطان .. عايز مين يبقى الوزير ؟ عويضة الملز ؟
عويضة : [ خارجا من بين الناس ] ماله عويضه ..؟!! ما أنا لعبت الوزير قبل كده في
رواية السلطان الحاير .. وكنت ملو هدومي .. !! مش كفايه إني قاعد
حارس لكم النظام في السامر الناس ملت من الروايه الغم اللي انتوا
عاملينها .. والله لو سبتهم .. هينفضولكم ويخرجوا ..
هنادي : الرواية دي لازم نغيرها ..
الجميع : لازم نغيرها ..
أبو عجور : مين اللي يغيرها .. ؟!!
هنادي : إحنا ..
أبوعجور : اتحنيتي ما اتعدلتي منك لهم ..!! على جثتي .. !!
ضلفة : يبقى في الحالة دي .. لا مؤاخذه .. لينا كلام تاني ..
أبوشبت : يعني أيه يا ضلفة ؟
ضلفة : يعني مثل الرواية إنت وعمك أبو عجور يا ابو شبت .. !!
أبوعجور : يعني إيه يا غجر ؟!!
هنادي : يعني مش لاعبين يا ريس …!!
أبو شبت : ليه بس .. ما كله ألسطة يا دكر .. ؟!!
[ تشير لسيكا فيتبعها بالموسيقى ]
هنادي : مش انت إللي بتقول ..
مين اللي قال كله ألسـطه
كرباج ورا والنبي يا اسطا
يا مزوقين وش السلــطه
ما احناش لاعبين
يا تقولوا ع الحاصل حاصل
يا تخرسوا ولا صوت واصل
والناس هتعرف .. وتواصل
سكتها .. عارفه تروح على فين ..
اياك تقــوللي كله تمام
وان الأمـور ماشيه لقدام
الفن مش بانجو وأحـلام
الفن لازم يبقي أمين
أبو عجور : [ ثائرا ] .. لا .. دي مؤامرة .. ده انقلاب ..
عويضة : يا جماعة .. يا جماعه ..أنا رأييي من رأيكم .. لكن مش عايزين الشيطان
يدخل بيناتنا .. ونروح ستين حته ..
أبوشبت : ما انت شايف الكلام العوج يا عويضة ؟
شعيط : أنا عندي اقتراح ..
الجميع : قول يا شعيط
شعيط : إحنا ندي نفسنا فرصة .. وندي الريس فرصة .. الريس راسه وألف صرمة
قديمة .. إنه يعمل التغيير بمعرفته ..
أبوعجور : يا شعيط الناس هتقول جوق أبو عجور .. و الا فرقة هنادي .. ؟!!
شعيط : جوق أبو عجور ..!!
أبوشبت : يبقى من حق الريس يطبخ الطبخة إللي هتتقدم باسمه .. ؟!!
هنادي : أيوه .. بس إحنا اللي هناكل الطبخة دي يا عنيه .. !!
أبوشبت : يعني إيه ؟
هنادي : يعني لازم تبقى على زوقنا ..
نطاط : أيوه .. على مقاسنا
أبو قردان : صح .. كل واحد له دور ..
أبوعجور : كل واحد .. ليه إيه ؟ ليه هيه طابور جمعية ؟ !!
عويضة : إيه رأيكم ف تور السلطان .. ؟
ضلفة : هوه السلطان عنده تور يا عويضة ؟
عويضه : في الرواية يا ضلفه ..
ضلفه : مش فاهم ؟!!
أبو شبت : ما انت لو ربنا بيصبرك لحد الواحد ما يخلص كلامه .. كنت تفهم .. !!
أبو قردان : والله ؟!!
عويضة : فاكر يا ريس حكاية تور السلطان .. إللي كان طايح في البلد ..
أبو عجور : آه ..
عويضة : والناس راحت تشتكي
أبو شبت : أيوه أيوه .. التور أبو تلت قرون ..
أبو عجور : آه .. افتكرت ..
عويضة : نقدر نكمل بيها الفصل .. تركب على السينا إللي عملناها ..
هنادي : إيه رأيك يا عجه ؟ ونسمي الفصل ..[ تـور السلطان أبو عجور ]
أبو عجور : إه .. الصراحة .. فكرة جيدة .. وجديدة .. تناقش مشكلة ..
ضلفة : وإحنا ممكن نعمل لها حل .. إيه رأيكم ؟
هنادي : يا عم وإحنا مالنا ومال الحل .. إحنا علينا نحط الموضوع قدام الناس ..
و الحدق يفهم ..
شعيط : لكن أنا فاكر سعد الله ونوس ..الله يرحمه .. عملها الفيل يا ملك الزمان ..
هنادي : يا واد يا ثقافة ..!! مش دي .. ده توريا تور .. ودوكها فيل .. !!
أبو شبت : أيوه إيش جاب الفيل للتور .. التيمة .. مختلفة ..
شعيط : مختلفة ف إيه ؟
أبو عجور : إحنا ف بروفه .. مش هنخسر حاجه .. نشوفها .. وبعدين نحكم .. ثم إن
التيمة يا شعيط في المسرح مش المشكلة .. التيمة الواحـده تعملها تلات
فرق والا خمسة .. المهم .. كل جوق يقدمها إزاي .. المسرح يا جماعة
زي الطبيخ .. نفس .. المهم النفس .. هيه البت حلاوة فين ؟
هنادي : بترضع الواد ..
أبو عجور : شوفوها ..
عويضة : يعني هنشخص .. ؟!!
أبو عجور : طبعا ..
هنادي : من غير ما نحفظ ..
عويضة : وإحنا من إمتى بنحفظ يا دكر .. ؟!!
أبو عجور : مش كلنا عارفين الحكايه ؟
الجميع : عارفين يا ريس
أبو عجور : خش ع التشخيص .. وأعمال البدع والتهجيص .. وزع الأدوار يا أبو شبت
خلينا نكمل البروفه ..
[ يسرع الجميع إلى حيث توجد الملابس ويبدأ كل في إختيار ملابسه ولبسها ]
[ المقدمة الموسيقية للمشهد التالي ]
المشهد الثاني :
عجور يجلس على الكرسي في تعاظم وتوتر ]
السلطان : يا وزير
الوزير : أمرك يسير ..
السلطان : القاضي فين ؟
[ يسرع نطاط الحيط بالدخول يستكمل ارتداء ملابس الشخصية ]
نطاط :
Normal
0
false
false
false
MicrosoftInternetExplorer4
/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:”";
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;
mso-ansi-language:#0400;
mso-fareast-language:#0400;
mso-bidi-language:#0400;}
1. الرمالة : غجرية في الخمسين ـ بها مسحة من جمال ـ تحمل قفة صغيرة .
شاه .
في الأربعين .
الغناء ـ حسن الصوت ـ ابن الحاج على عمدة البنوة .
15 . حسن الدرمللي : ضابط مباحث المركز ـ في الثلاثين ـ ابن شلقامي ـ حاد
الذكاء .
· رجال
· شباب
· أطفال
· نساء
اللوحة الأولى :
· المكان : سراية حنضل والد نعيمة
· نعيمة في شرفة الدور الأرضي ، الطريق يمر أمام السراية ، الوقت ضحى أحد الأيام ، مجموعة من النساء والرجال تمر متباعدة ، يأتي صـوت الرمالة من خارج المسرح ، لحظة و تمر المرأة الرمالة أسفل الشرفة في ملابس الغجـر السوداء تحمل على رأسها قفة صغيرة تنادي بالطريقة المعتادة ]
الرمالة : نبين زين .. نبين ..
نبين زين .. ونضرب الودع
ونشوف البخت فين ..
للبت والجدع ..
نبين زين نبين
ونضرب الودع
نعيمة : [ منادية ]
استني يا خاله
خالة يا رمالة ..
ما تطلعيش حسي ..!!
واتمهلي شويه
الرمالة : [ تتوقف ]
نعمين يا عنيه .. ؟!!
نعيمة : عايزه أشوف بختي ..
ما تقربي شويه !!
الرمالة : من عيني يا صبيه ..
[ تقترب الرمالة من حاجز الشرفة وتجس على الأرض التي لا يفصلها عن
الشرفة إلا الحاجز المرتفع قليلا ، تضع الرمالة قفتها على الأرض وتخرج
من القفة الصغيرة منديل الرمل ، تبسطه أمامها ]
إرمي بياضك يا شابة ..
نعيمة : [ تلقي إليها بقطعة فضية ]
خدي امسكي .. بالمحبة ..
الرمالة : [ تختبر قطعة النقود بأسنانها ثم تدسها في صدرها ]
ياخد عدوينك ..!! يا رب يا قادر .. !!
يديكي .. ويرضيكي
بكل اللي تتمنيه .. ويكيد أعاديكي ..
[ تمسك بقوقعة وتعطيها لنعيمة ]
خدي الدكر وشوشيه ..
اسم العزيزة إيه ؟
نعيمة : إسمي نعيمة .. أوشوشه أقول إيه ؟
الرمالة : باللي ف ضميرك ..
واللي شاغلك .. واللي عايزه تعرفيه ..!!
نعيمة : طب وطي حسك ..
يقولوا البت مريوحه ..
بتوقف الرمالين … في الجايه والروحة !!
الرمالة : إن شالله يا اختي العدا .. !!
واسم أمك ايه .. ؟
نعيمة : الله يرحمها .. كان اسمها حسنه
الرمالة : [ تستعيد الرمالة القوقعة من يد نعيمة وتضمها لباقي القواقع وتجلس
وتنثرها فوق الرمال]
بختك سعيد ..
عمرك مديد ..
شمعك يقيد ..
وتدوبي يا اختي الجديد بعد الجديد
قول يا قادر يا كريم ..
نعيمة : [ بآلية ]
يا قادر يا كريم ..
الرمالة : لكن .. أكيد
[ تتوقف ناظرة إلى القواقع وتخطط على الرمال بأصبعها ]
نعيمة : سكتي ليه ..؟
الرمالة : يا خفي اللطف نجي
يكفنا ويكفيكي شر المستخبي ..
نعيمة : قولي عاد وقعتي قلبي .. !!
رملي متخبل يا خاله والا إيه .؟
الرمالة : له يا بتي ..!! زي شمس الضهر باين ..
السفر سكه قصيرة ..
لا بابور يحتاج ولا حتى سفاين ..
شايف بيكي الدنيا تقلب كالقزان ..
دايما الدنيا كدا … ما لهاش أمان ..
لا الفرح بيدوم ..
ولا الأحزان كمان .. !!
نعيمة : قولي .. ما تخبيش عليه
الرمالة : [ تجمع الأصداف وتنثرها على الرمال ]
يا نصيب ..
ياللا قولي يا نصيب ..
نعيمة : يا نصيب ..
الرمالة : قرب المقسوم .. يابنتي ..
قرب .. المقسوم قريب ..
نعيمة : قصدك إيه ؟
يعني هأفرح كالبنات ؟
الرمالة : وانتي يعني ناقصك إيه ؟
نعيمة : طب يا خاله .. إنتي مش شايفاه قصادك ؟!!
إوصفيه .. !!
شكله إيه ؟
رسمه .. كسمه .. طوله .. عرضه ..
شعر راسه .. لون عنيه ..
من بلدنا والا .. يعني ..
الرمالة : طير غريب ..
نعيمة : قلبه ميال لي يا خاله ؟
الرمالة : قلبه متولع بحبك ..
من بنات حوا ما فيش في القلب بعدك
راح يعيش ويموت يحبك ..!!
طير مسافر …
والعطش قاسي وكافر ..
وانتوا قلتكم زلال ..!!
نعيمة : طب ما يشرب .. !!؟
حد حاشه ؟
[ تتخيل طيف المحبوب الموعود فيبدو ظلا مبهما في الخلفية يظهر
ويختفي]
قرب اشرب ..
حتى دي الميه ثواب .. !!
الرماله : طبعه بيعوف الحرام ..
نعيمة : يا سلام ؟ !!
طب ما يشرب في الحلال ..
[ تخاطب الطيف ]
ارتوي يا ابن الحلال ..
[ للرمالة متصنعة الغضب ]
والا عطشه بالحلال ما يرتويش ؟!!
الرمالة : وأنا مالي ..
الودع ما يختشيش ..
نعيمه : طب خلاص .. ما تزعليش ..
[ تخاطب الطيف ]
يعني مش مقسوم لي أشوفك يا اسمك إيه ؟
الرمالة : لا يا بنتي .. هتشوفيه ..
ويعشقك .. وتعشقيه
حبكم موال هيفضل في القلوب تتغني بيه ..
نعيمة : [ في خجل ]
يوه يا خاله ؟!!
الرمالة : جوه أوضتك تلتقيه ..!!
نعيمة : والنبي بشويش عليه ..
حاسبي على قلب البنيه ..
خايفه ما يحملش كل الفرحة ديه ..
اليتامى .. فرحهم دايما قليل
الرمالة : [ تجمع حاجياتها ]
قول خير .. إن شالله خير ..
نعيمة : إن شالله خير ..
الرمالة : [ منصرفة ]
نبين زين
ونضرب الودع
ونشوف البخت فين
للبت والجدع ..
نعيمة : [ لنفسها ]
أما حقه لو حصل ..
يبقى جاني السعد والعيشه الهنيه
يومها هأفرش له الطريق برموش عنيه
والعزيزة بنت حنضل ..
تبقى جاريه ..
[ تدخل فتاة في مثل سن نعيمة من باب الشرفة متلصصة ]
[ تقلد نعيمة صوت الرجال ]
يا نعيمة
[ بصوت مرقق ]
تحت أمرك .. جاريتك .. ملكك يا سيدي ..
الفتاة : عيني يا عيني يا عيني .. !!؟
نعيمة : إخص يا هانم عليكي ..
خضتيني .. !!
هانم : [ تقلد نعيمة ]
يا نعيمة ..
تحت أمرك ..
أنا جاريتك ملكك يا سيدي .. !!
آه يا ساهية ..
نعيمة : [ تهجم عليها خجلة ]
وقفي لو بت أبوكي
هانم : وانتي لو شاطره وقويه .. لحقيني ..
[ يجريان للداخل ضاحكتين ]
[ إظلام ]
اللوحة الثانية :
· حجرة شاه زوجة حنضل داخل السراية :
· شاه تجتمع مع شقيقها كاهين [ كامل ] وهي تعد له له القهوة على موقد سبيرتو
النار متقدة تحت إناء القهوة بينما شاه تركز عينيها على القهوة .
كامل : البت كبرت يا شاه ..
نعيمة بقيت عروسة .. !!؟
شاه : زي زرع الشيطان ..البنات بيكبروا ..
وإحنا مش واخدين ف بالنا .. !!
مستنظرين ..
كامل : فاضل إيه تستنظريه ؟!!
الزمن مهره عفيه .. يا تركبيها يا تسبقك
إحنا كدا نطلع من المولد بلا حمص يا شاه .. ؟؟
شاه : أعمل إيه ؟
[ تصب له القهوة وتطفئ شعلة الموقد ]
فيه حكيم ما روحنالوش ؟
زار عملنا ..
نمت ف الجبابين ليالي ..
طفنا على كل المشايخ .. والنتيجه ..؟!!
[ بحرقة وحسرة ]
أرض بور .. !!
ملح يحرق كل بذرة .. !!
[ تشرع في البكاء ]
ليه يا ربي .. ؟!!
كل نسوان الغجر تحبل وتولد في الخيام
البهايم .. والعقارب .. والحنشه ..
كل دول عرفوا الضنا ..
إلا أنا ..
إشمعنى أنا .. ؟!!
كامل : قسمتك يا ااختي الشقيقة .. وقسمتي ..
شاه : قسمتي أفضل كدا
زي فرع السيسبان
لا تمر ولا ضل طارح .. ؟!!
قل لي إيه فايدة حياتي
لو أعيش من غير ولد .. ؟!!
كامل : الخلف قسمه ونصيب .. هتكفري ؟!!
يا عبيطه .. أنا أخوكي .. ولدي ولدك ..
ولد أخوكي عن ولادك يفرق إيه ؟!!
كلمي حنضل عليها .. كلميه ..
شاه : إنت مستعجل على ايه ؟
إحنا نستنى له فرصة ..
كامل : فرصة إيه ؟ !!
إنتي مستنيه لما البت تتعلق بعيل والا إيه ؟
طب ساعتها نعمل إيه ؟
ده أنا مستني بقالي سنين يا شاه
كلمي حنضل .. قولي له
نفسنا جدور المحبه تمد وتفرع كمان ..
إحنا شركا في التجاره .. وانتي مرته .. خللي زيتنا في دقيقنا
شاه : واد يا كامل يا كاهين ..
إنت عينك من نعيمه ؟!!
كامل : يا شقيقتي إنت عارفه
البت ذاتها عندي أنا ما لهاشي قيمه ..
بس يا اختي .. كل ما ييجي ف بالي ..
إن مالي .. ومال شقيقتي يروح بعيد
عقلي يبتبرجل .. وناري ف حشاي تقيد ..
إحنا أولى بالكنوز دي م الغريب ..
والا يعني عشان ماجبتيشي الولد .. ؟؟!!
إنتي ما قدرتيش .. أنا أقدر أجيب .. !!
شاه : بس يعني .. !!
كامل : يعني إيه ؟
بكره مالي ومال نعيمه يبقى مالك
تصرفي .. وتتبغددي ..
وتعملي فيه ما بدالك ..
أما لو خدها غريب ..
والحاج حنضل .. حط راسه
شاه : بعد طولة العمر ..
كامل : بعد طول العمر حنضل حط راسه ..
جوز نعيمه وأهلها يستخسروا فيكي النصيب ..
الفلوس دي .. مين تعب فيها ؟؟
أخوكي !!
مين عمل حنضل كبير تجار بلدنا ؟
مش أخوكي ؟
كل حاجه فوق دماغي .. العتاله .. والشيالة .. والوكالة
روح يا كامل ..
هات يا كامل ..
أروح .. وأسافر … أيوه حاضر .. أيوه حاضر .. أيوه حاضر
كام سنه كاتب ومستوظف وحارس ..
وبسلامته ع الكنب فارش وجالس .. ؟!!
شاه : كل ده .. عشان نعيمة ؟
كامل : طب وماله .. ؟!!
بكره تبقى مرات أخوكي ..
والسراية والوكاله وكل حاجه ..
راح تكون ليه وليكي ..!!
شاه : بس يعني .. !!
[ تسمع ضحكات هانم ونعيمة مقتربة وسرعان ما يدخلان دون أن ينتبها
لوجود كامل ]
كامل : بس بس .. البت جايه ..
[ هانم تجري أمام نعيمة التي تطاردها في إعياء ]
هانم : خالتي شاه .. خالتي شاه ..
حوشي عني البت ديه يا خالتي شاه ..
نعيمة : طب ورحمة أمي ..
لو ايدي تطولك ..
شاه : بس .. بس .. إنتوا لسه صغيرين .. ؟!!
[ يتوقفان في خجل بعد اكتشاف وجود كامل ]
نعيمة : خالي كامل ؟
شاه : خالك إيه ؟ .. قولي كامل .. هوه كان خالك صحيح ..
نعيمة : الاحترام واجب يا خالة .. إنتي خالتي ..
مش أخوكي بيقى خالي ؟!!
شاه : آه يا ناري من لسانك ..
لو يطاوعني أبوكي ويقطعه ..
كان يهدا بالي .. !!
آه يا حالي .. !!
[ تخرج مسرعة ]
كامل : انتي بالذات يا نعيمه ..
قولي زي ما يعجبك .. إزي حالك ؟
نعيمه : تعيش يا خال .. نحمده على كل حال..
كامل : ما تزعليش من أختي شاه ..
صدقيني ..
هيه بتحبك كتير ..
هانم : [ جانبا ]
قالوا على رأي المثل ..
مرت أبوك طلعت تحبك يا جحا
قال دي تبقى اتجننت .. !!
نعيمة : خالي كامل .. مش عوايدك .. ؟!!
الوكاله فيها مين ؟
كامل : فيها أبوكي .. !! مش شريكي .. ؟!!
أصل أنا مسافر فقلت أفوت عليكم ..
قلت يعني يكون لازمكم شي أجيبه من سيوط .. !!
نعيمه : ربنا يخللي لي أبويا .. مش معوزنا لحد ..
كامل : [ متحرجا ]
ياه .. داأنا اتأخرت ونسيت المعاد ..
اقعدوا بالعافيه عاد ..
هانم : [ تتابعه حتى يخرج ]
ربنا يعافيك وترجع بالسلامة ..
[ تعود إلى نعيمة ]
إنتي هبله يا نعيمة ؟
الكلام مش صد رد ..
ماله كامل يا نعيمه ؟
مش على كيفك كاهين ؟
نعيمة : يا سلام ؟ .. سبتهولك ..
يعني مش شايفه عنيه بتبص فين ؟
هانم : بتبص فين ؟
نعيمه : [ في خجل ]
إنتي بايخه .. هاتي ودنك ..
[ تهمس لها وتنفجران بالضحك الطفولي ]
[ إظلام ]
اللوحة الثالثة :
· موردة المنشية :شاطئ مرصوف بالحجر الجيري تظلله بعض الأشجار تم تمهيده لتشرب منه المواشي وتملأ من الناس الجرار والقرب . الوقت مغرب أحد الأيام .
· مجموعة من النساء في الخلفية تنـزل لتملأ الجرار بينـما تتوافد مجموعات من الشبان العائدين من الحقول إلى البيوت مارين بالموردة ، كما تتوافد جماعة من الفتيات حاملات الجرار في لوحة استعراضية مناسبة نشاهد من بين الفتيات نعيمة وهانم .
[ غناء رجالي ]
صوت : ع المورده ع المورده
كورس : ع المورده ع المورده
صوت : حط الحمام ..
كورس : ع المورده
صوت : ترجم وهام ..
كورس : ع المورده
صوت : هفه الهوى ..
قلبه انكوى ..
وقال ما آخدشي .. إلا ده
كورس : ع المورده ع المرده
صوت : وز العراقي والا ده
محبوبي خاطر ف الندى
كورس : ع المورده ع المورده
[ غناء نسائي ]
صوت : الخمسه ف سته بكام
تعاله أما أقوللك
كورس : الخمسه ف سته بكام
تعاله أما أقولك ..
صوت : حلال والا حرام
تعاله أما أقوللك
كورس : حلال والا حرام
تعاله أما أقوللك
صوت : إحنا بنات المنشية
كورس : آه يا وله
صوت : طالعين بنخطر ع الميه
كورس : آه يا وله
صوت : غاويين ملاوعة وملاغية ..
والخمسه ف سته بكام ..
تعاله أما أقوللك
كورس : الخمسه ف سته بكام
تعاله أما أقوللك
صوت : حلال والا حرام ..
تعاله أما أقوللك
كورس : حلال والا حرام
تعاله أما أقوللك
صوت : إوعى تغرك ضحكتنا
كورس : آه يا وله
صوت : والا تفوت من سكتنا
كورس : آه يا وله
صوت : تروح قتيل ف محبتنا
والخمسه ف سته بكام
تعاله أما أقوللك .
كورس : الخمسه ف سته بكام
تعاله أما أقوللك
صوت : حلال والا حرام
تعاله أما أقوللك
كورس : حلال والا حرام
تعاله أما أقوللك
صوت : طاوعني يا صغير وامشي
لتروح قتيلة كحـلة رمشي
والأمر برضه ما يسلمشي
والخمسه ف سته بكام ..
تعاله أما أقوللك ..
كورس : الخمسه ف سته بكام
تعاله أما أقوللك
صوت : حلال والا حرام
تعاله أما أقوللك
كورس : حلال والا حرام
تعاله أقوللك
صوت : وفين تلاقي دوا وطــبيب
جرح الهوى يقتل ما يخيب
قمسه اللقا والوصل نصيب
والخمسه ف سته بكام
تعاله أما أقوللك
الخمسه ف سته بكام …
تعاله أما أقوللك
[ يتلاشى تدريجيا غناء الفتيات ]
نعيمة : [ لنفسها تقريبا ] بستان حبيبي طرح ..
والتمر مش لينا
والخصم عامل فرح
والفرح مش لينا
والقلب لما انجرح
كورس : ما رسيش على مينا ..
[ ضحك من الفتيات ]
هانم : والله صوتك حلو يا بت يا نعيمة ..
فشر المغني حسن ..
نعيمة : المغنواتي حسن ؟!!
مين إحنا .. ونروح فين ؟
ليلة ما رحنا الفرح
صوته ف جسمي سرح
نزلة دموع العين ..
والقلب سكنه الفرح لما صرخ يا ليل ..!!
هانم : حلوه ليالي الفرح
نعيمة : طب يا اختي عقبالك ..
هانم : امتى يا رب امتى ؟!!
تعيمة : اتصبري يا بت .. دا العقل زينة البنات .. !!
هانم : العقل سبناه لك .. بالذمه مش نفسك ؟!!
نعيمة : [ تضع جرتها على الأرض ]
لو جيتي ع النيه .. نفسي ومنى عينيه
لكن يا حسرة البنات
مكتوب عليها السكات ..
ما إحنا عبيد القضا ..
طول عمرنا يا بنات
مكتوب علينا الرضا ..
هانم : [ تضع جرتها إلى جوار جرة نعيمة ]
إلا الشباب مالهم ..
جاهم غراب شالهم ؟!!
آدي تاني موسم قطن
من يوم ما حجزونا
ما حد عبرنا .. ولا جه لباب دارنا
ولا كلموا أبونا ..
قطيعه تقطعهم ..!!
نعيمة : واللي عنيكي عليه ؟
هانم : العين تشوف ياما ..
نعيمة : والقلب له واحد ..
هانم : يعني إنتي ما بتبصيش ؟!!
نعيمة : ساعات كتير بأحلم ..
هانم : خليكي ف الأحلام .. لما الليالي تشيب ..
وتشيبي وتضلم عنيكي
شكله إيه إللي ف خيالك بيلاغيكي ؟!!
نعيمة : [ في حالة وجد كأنما تسترجع الطيف الذي راودها في وجود الرمالة ]
أسمراني .. زي عود الزان تمام ..
فوق جبينه الفجر يدن..
شعره .. ليل … ما فهوش قمر
هادي .. هادي ..
هادي يشرب من على كفوفه اليمام
لما يضحك ..
تبقى كل الدنيا عيد
قلبه مليان بالونس
صوته مليان بالدفا ..
لما يتكلم كأنه البحر لما يروق
وأما يسكت ..
يزرع المواعيد
هانم : [ متنهده ]
هاه .. !!
نعيمة : لما أغمض ـ في العشيه ـ
يختلي في الأوضه بيه
كل ما عنيه يروحوا ف أي حته ..
ألتقيه بيبص ليه ..!!
تصدقي بالله يا هانم
جوه زيرنا .. بألتقي صورته
عنيه بتبتسم لي .. ومستحية !!
هانم : واه يا هبله ..
كل دي تخاريف صبايا ؟!!
إعقلي يا بت حنضل .. تقلب بجد الحكاية ..
مين حسن يا بت لما تعشقيه .. ؟!!
نعيمة : يا مفتريه ..!! حد جاب سيرة حسن ؟
قلت لك يا بت بأحلم ..
والا حتى الحلم ممنوع ع البنات ؟!!
جاكي ضربه .. بينا نملا من سكات .. !!
[ يدخل حسن وخلفه شامخ وسيد بينما تتردد بصوته إغنيته التي غنتها
نعيمة [ بستان حبيبي طرح ] ، يتقدم حسن من نعيمة وهانم وقد تسمرت
نعيمة بالأرض متساندة على هانم ]
حسن : يسعد مسا ء البنات
هانم : يا لهوي .. يس .. يسعد مساك ..
حسن : عدم المؤاخذه .. الغريب أعمي وحتى لو بصير .. !!
كنت بأسأل عن سراية الحاج حنضل ؟
تعرفوها يا بنات ؟
هانم : دا بيسأل عن أبوكي يا نعيمة ..!!
إيه يابت ؟
فيكي حاجه بتوجعك ؟
نعيمة : [ جانبا ]
قلبي … قلبي ..
قلبي واخدني يا هانم .. اسنديني ..
حسن : هيه دي بته نعيمة ؟
هانم : إنت مالك بالأسامي ؟
شيخ بلد والا نيابه ؟
والا واخده ف شدة قطن تجني ..
[ ترشها ببعض الماء بفمها فتشهق منتبهه ]
حسن : أعذروني .. غصب عني ..
نعيمه : [ تمسح وجهها بطرف شالها ] السؤال ما حرمش يا اختي ..
[ تقترب منه مسحورة ] هوه إنت تبقى .. !!
[ تتوقف خجلة ]
حسن : أنا أللي اسمي حسن ..
في الفن شاع وبان
وجاي أغني ف فرح
سيد ..
هانم : أبو شعبان
حسن : والله عفارم عليكي ..
عرفتي سبك القول
هانم : إمشي كدا على طول
إمشي لكن معدول
تلقى السرايه يمين
وقصادها نصبوا صوان ..
حسن : متشكرين يا بنات
عقبال لياليكم ..
يا ريت تطلوا علينا وتسمعوا الألحان … !!
تتمسوا بالخير ..
هانم : وانت من أهله ..
[ يخرج حسن بينما نعيمة تتابعه في صمت ووله ]
يا بت فوقي ..!!
خلاص .. فوقي كدا وحسي
الدنيا مست علينا .. وهوه بيمسي ..
نعيمة : [ هامسة ] .. تتمسى بالخير يا قلبي ونور عيني
هانم : [ لاطمة في سخرية ]
وخدي قبالي خدي
من ديه والا دي
واتعدلي … واتشندلي
منا العريس ما يجي
[ إظلام ]
اللوحة الرابعة :
· سراية العمدة الحاج علي ببنوة النمس . الوقت صباح أحد الأيام بعد شروق الشمس
· شرفة سراية العمدة تطل على نهر النيل الذي يبدو في الخلفية تتأرجح عليه بعض
الأشرعة التي تمر وتعبر الخلفية أثناء المشهد . حسن منفردا بنفسه يغني بينما تتسلل امرأة في منتصف العمر قادمة من داخل السراية .
حسن : الطير فوق السجر
عمال بيبكي ليه ؟
بكى وبل المحارم
من دموعه ليه ؟
فايت على شيخ بيقرا
والكتاب ف إيديه
رمى الكتاب من يمينه
والتفت قال لي :
الشهد بعد الحبابا يتعمل بو إيه .. ؟!!
المرأة : الله ..
صحيح .. الشهد بعد الحبايب … يتعمل به إيه ؟!!
حسك حلو قوي يا حسن النهارده ..
حسن : أمي ؟ .. صباح الخير يا أم حسن ..
مش أحلى من حسك ..
إنتي هنا من زمان ..
أم حسن: من أول الموال ..
مالك يا ولدي … قليل الزاد .. ومتحير .. ؟!!
جفيو الرفاقه العزاز ..
والا الود متغير .. ؟!!
والا الفلوس خسعت ؟
ما تخافشي .. تتدبر ..!!
حسن : يا امايه ود الرفاقه كل يوم بيزيد ..
والمال كبحر الدمير ..
يوم ينقص .. ويوم يزيد ..
اللي جرالي وكان والله ما له مواعيد ..
أم حسن : فضفض وقول يا ضنايا
كتمان الهموم قتال ..
إيه ابتلاك بالهموم وغير الأحوال ..
حسن : يا أمايه قلبي عشق ..
والعشق بيحير
واللي سباني حديث السن وصغير
كله جمال ف جمال ..
لا و الأكاده .. جميل الطبع والمنظر ..!!
أم حسن : [ تزغرد ]
يا تلتميت ألف ليلة سعد بنهارها ..
سجر الجناين طرح م الفرحه نوارها ..
دي بت مين يا حسن
ديه اللي تستاهلك ..؟!!
شاور على بيت أبوها بس بصباعك
وأبوك عليه الكلام
وعليه أنا شوارها ..
الحاج علي : [ داخلا مبتسما ]
القرد قال المثل
يا اختي ف عين أمه غزال .. !!
أم حسن : أنا ولدي مش قرد ..
أنا ولدي زين الشباب
عزوة ومال .. ومقام
الحاج علي : ايوه ايوه أيوه .. ما انتي أمه ..
مغنواتي الغرام ..
أم حسن : هوه الغنا معيره .. ؟!!
وماله ما يغني .. والا يقول موال
حسن هيفضل حسن .. لو اشتغل شيال ..
حسن : يا ابا الغنا غيتي ..
والكل عارف ده
أنا بأغني لمزاجي … مش عشان المال .. !!
الحاج علي : ما هو ده إللي طير
تلات أبراج من راسي
لو كنت محتاج .. أبقى ع السبب راسي
ليه خصوم كالعقارب
لابدين لي ف مداسي
وابني يدور في البلاد مع شلته سارح
يحي الليالي الملاح
ويرقص القارح … !!
أم حسن : كلام إيه عاد يا علي .. يا عمدة البنوة ؟!!
يا أبو التياب النضاف
والملفظة الحلوه ..
الحاج علي: استغفر الله … لا مؤاخذه يا ست الناس ..
شوفي ولد أخوي .. ظابط .. وله حراس ..
وأنا ولدي داير يغني في بلاد الناس
تعبت ..
كتر الكلام الردي .. خللى دماغي اندار ..
لا عدت مرتاح هنا .. ف البيت .. ولا الدوار ..
حسن : وأنا ذنبي إيه ..؟!! الغرام .. ما لوش دوا ولا طب
القلب وأهو طب
واتاخد مع التيار ..
أم حسن : خضنا كتير في الكلام ده قبله وخلصنا
بلاش حكا ف السيردي ..
بلاش تنغصنا ..
الحاج علي : الأمر لله .. [ متجها للخارج ]
أم حسن : استنى يا حاج ..
مالك كدا ملهوف .. ؟
استنى ..
عندي خبر … يسوى ألوف وألوف ..
الحاج علي : ما تعطليش الحكوم يا ست …
عندي ضيوف ..
أم حسن : عاوز يقولك حسن حاجه
لكن مكسوف …
الحاج علي : حطي له برقع على وشه ..
دا وش كسوف .. ؟!!
حسن : أنا نويت ع الجواز .. !!
الحاج علي : [ عائدا مستبشرا ] يوم المنى يا ابني ..
أهو ده الكلام يا حسن ..
إعمل بقى معروف .. نقي كدا واتكل
وكن ويانا ..
ده انت وليدي الوحيد
في القعده تسندني ..
شلقامي : [ من الخارج مصفقا ]
يا أهل الله .. يا أهل الدار ..
يا عمده ..
الحاج علي : أدخل يا شلقامي ..
شلقامي : [ داخلا على كتفه بندقيته ]
يا رب يا ستار ..
الحاج علي : جيت ف المعاد يا آخوي ..
شلقامي : آبه .. ده أنا شيخ غفر
يعني النظام كله ..
خيرا يا عمدتنا .. ؟!!
أم حسن : عقبال ما تفرح بولدك
حضرة الظابط
إجهز بقى بالفلوس
واملى الطاقيه نقوط ..
شلقامي : [ متهللا ]
إياك حسن .. ؟
والنبي .. ؟!!
قولوا كلام تاني .. !!
الحاج علي : قلبت معاه بالجواز
لا كاني ولا ماني ..
شلقامي : يا ألف ميت مبروك ..
ومنين تكون العروسة .. ؟
قول وطمني ..
حسن : نعيمة .. ست البنات
الحسن دا خالها
طير السجر ينسطل
من رن خلخالها ..
الحاج علي : هتغني تاني كمان ..
عمك بيسأل أبوها مين
ومين خالها ؟
أم حسن : نعيمه مين ؟
ما فيش في بلدنا الأسم ده واصل ..!!
حسن : إللي عليها القصد والنية
مش من هنا .. يا اماي م المنشية
أبوها حنضل .. الحاج حنضل يا ابوي ..
شلقامي : شاهبندر المنشيه ؟!!
حسن : أيوه .. تمام هوه ..
أم حسن : إبن الأصول لو وقع
ما يقعش غير واقف ..
شاطر يا واد يا حسن ..
شلقامي : رجاله كالنخل ..
مزروعه في البيت وترمي بالرطب بره ..
وليه نروح للغريب .. ؟
بت البلد مره ؟!!
حسن : القسمه عاد والنصيب يا عم شلقامي ..
شلقامي : فاتحت أهاليها .. ؟
الحاج علي : خبر ايه يا شلقامي ..؟!!
من قبل ما نوافق ؟
أم حسن : العمده لو وافق ..
تروح معانا لهم
ومعانا أعيانها ..
شلقامي : يا مرت أخوي .. الأصول الناس تيجي م الباب ..
حسن يجس الطريق ..
إن لقي ترحاب
يبقى نروح خطاب
أما إن لقى المسأله فيها كلام وحديت
نفضل ف دارنا .. بمقدارنا .. وكرامتنا
لا حد شافنا .. ولا قفلوا ف وشوشنا أبواب ..!!
الحاج علي : على بركة الله ..
فاتحهم ورد علي ..
بينا يا شلقامي ..
حسن : ما تزغرتي يا امي
[ إظلام ]
اللوحة الأولى :
· سراية حنضل بالمنشية ، الوقت مساء أحد الأيام .
· الحاج حنضل يروح ويجئ في شرفة السراية بينما جلس كامل مفكرا ، بينما راحت شاه تتابع زوجها وحيرته البادية عليه .
حنضل : يا دي المرار التقيل .. !!؟
كان مستخبي فين كل اللي جاري وحاصل .. ؟!!
شاه : الصبر يا حاج حنضل .. الصبر يا راجل ..
حنضل : [ كأنه لم يسمعها مفكرا بصوت مسموع ]
إن قلت مش قدنا .. الناس تقول كداب ..
عمال يلسن عليها بالغنا ع الغاب ..
كامل : تغور يا خلف البنات ..
يحوج لنسب الكلاب ..
شاه : البت قال المثل ..
إن لم تجيب العار ..
تجيب لناسها العدا لحد باب الدار .. !!
حنضل : [ مستمرا في التفكير بصوت مسموع ]
وإن قلت آه ..
راح يقولوا .. الحاج حنضل رماها ..
وجوزها لواد نصاب .. !!؟
شاه : وكل ده من عمايلها غليضة العين .. !!
الناس شافتهم .. حدا المورده سوا الاتنين ..
ما فيش فرح يتعمل إلا وسيرتها فيه ..
ولوقلت آه .. يبقى الكلام له أساس ..
كامل : كلام صغير يا شاه ..
شاه : يكبرف بق الناس ..
حنضل : برضه كدا يا نعيمة .. ؟!!
تخلي أبوكي الكبير .. وسط الصغار سيرة ..
الحاج حنضل هيبقى معيرة وعيرة .. ؟!!
كامل : ما عاش ولا كان ..
في الناحية .. ولا الجيرة ..
إللي يأشر ف توب الغالية تأشيرة .. !!
نعيمة تاج الشرف .. دا بس م الغيرة ..
أنا بأقول .. لو رفضناه كدا .. م الباب للطاقة ..
البت تقلب علينا ..
شاه : البت عشاقة .. !!
حنضل : شاه .. ؟!!
اتقي ربنا .. نعيمة دي بتي
[ لكامل ] حوش عني اختك ..
ما عادليش صبر ولا طاقه .. !!
شاه : محقوقه اللي أنا خايفه م الجرسه .. !!؟
الناس تقول جوزوها جوازة المغصوب
عشان يداروا الفضيحه ..
ويستروا الوكسه ..!!
حنضل : والله أقطع لسانك ..
واعيشك خرسا ..
شاه : يووووه .. إنت حر .. وشوف ..
بكره عيال البلد بيك يلعبوا الكوره ..!!
حنضل : طلاق تلاته ما ليكي قعده ولا شورة ..
شاه : [ ناهضة منصرفة غاضبة ]
عيون مرات الأبو مهما تشوف عورة ..
كامل : روحي الساعه دي يا شاه ..
روحي يا مستورة ..
[ بهدوء ]
يا حاج حنضل .. يهون المال والرسمال
لكن العزيزة نعيمة أم حسن وخال ..
تاخد ولد .. كل رسماله كذا موال ؟!!
أهو ده الحرام يا نسيبي ف كل مله ودين ..!!
لا و الأمانه .. وحق المصطفى العدنان ..
يوقع الجواز بالخسارة .. مهما جاب .. أو كان .. !!
حنضل : هنشوف يا كامل قراره .. ونسأل في النواحي عليه ..
جايز يكون ولد ناس ؟
كامل : واللي رماه ع الغوازي يا نسيبي إيه ؟
حنضل : البخت الاسود .. إللي إللي رمانا عليه
[ مناديا ]
خلوا الضيوف يدخلوا ..
الوقت متأخر ..
[ يدخل حسن وخلفه شامخ وسيد مبتهجين ]
حسن : يجعل مساكم سعيد .. نادي ومتعطر
كامل : [ يدور حول حسن ساخرا ]
أهلا رجال الطرب .. والفن والمغني ..
شامخ : ما إحناش هنا للغنا
سيد : ولا جينا تسمعنا ..
كامل : [ للحاج حنضل ساخرا ]
أنا كنت فاكرك يا حاج .. جايبه يمتعنا ..!!
أو له بواقي مقاوله عند حد فقير ..
سيد : لا دي ولا دي ..
كامل : [ في خبث ] أمال قصدتوا الآكابر يا جماعة ليه ؟
حسن : [ رابط الجأش في هدوء ]
لقا الأكابر يا خال ..
يعود بالفايده والمعنى ..
كامل : كلام جميل .. بس في القعده ما لوش لازمه
شامخ : [ متوترا لكنه يتماسك ]
ولاد الأصول يا كاهين .. بيمسكوا لسانهم
ما يغلطوش في الكبير .. مهما بدا منه ..
كامل : الحاج حنضل شريكي .. مدي ناس مواعيد ..
والسوق زانقنا ..
عشان داخل علينا العيد
يعني كتيره المشاغل .. قصر المشوار ..
حسن : يا أبو العزيزة نعيمة ..
جينا لحد الدار
خطار وخطاب يا سيد من يكرم الخطار
حنضل : وانتوا كبار أهلكم .. والا وراكم ناس ؟
شامخ : إحنا يا دوب مرسال ..
سيد : جايين نعس الطريق .. والله إن لقينا القبول
يبقى الكلام رسمي .. ويجوا لك الأعيان ..
حنضل : [ يعطيهم ظهره في استعلاء ]
حسن المغني فضح بتي ف كل كتاب ..
وجاي يخطب نعيمه ..
زينة الخطاب ..
أظن هتقدم المهر تشكيلة نايات ورباب .. ؟!!
حسن : يا عم حنضل ..
أنا من ناس أغنيا
في بنوة النمس أحسن ناس مغنيه
والفن مش عيب ..
لكن برضه مش كاري ..
جاني غرام الغنا يا عم على سهوة
عيلتي كبيرة … وأبويا عمدة البنوة ..
واسأل علينا ..
تلاقي ألف مين دلك .. !!
حنضل : ما فيش بنات للجواز عندي يا رجاله
نعيمة : [ تظهر من نافذة تطل على الشرفة ]
يا ابويا ليه كلمتك جارحه كسيف ماضي ؟!!
سايقه عليك النبي ..
خليك ميزان قاضي ..
أنا مرتضيه حسن .. ليه إنت مش راضي ؟!!
كامل : [ صارخا ] عيب أدخلي يا نعيمه ..
حنضل : ده كلام فاضي ..
ما فيش بنات عندنا تختار وتنقي ..
نعيمة : أنا العروسة يا ابوي .. في الشرع ده حقي ..
حنضل : خشي .. كسر حقك ..
في شرع مين البنته تقل قيمتنا ؟!!
إحنا رجال جد .. نوقف عند كلمتنا ..
أنا قلت كلمة وخلاص ..
ما فيش كلام تاني ..
روح يا واد من هنا ..
أحسن وأيماني …
لو عيني لمحت خيالك .. إنت ورفاقتك دول
Normal
0
false
false
false
MicrosoftInternetExplorer4
/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:”";
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;
mso-ansi-language:#0400;
mso-fareast-language:#0400;
mso-bidi-language:#0400;}
صدر من برتقال
قصة : ناجي نوراني ـ دبي
نزل الطفل يمشي بهدوء، عابراً المسافة الخالية بين مكان توقف السيارة أمام الحاجز الأمامي إلى مبنى الحراسة. منظره من الخلف بقامته القصيرة الضامرة وقميصه الواسع والمزركش بزهور شاحبة والمتلوي مع الريح القوية أعطاه منظراً بائساً لفزاعة قديمة.
اقترب من نقطة الحراسة وهو يلوح بالأوراق، فخرج الجندي بلباسه الأخضر الداكن، بينما شعره الأشقر أخذ يلمع بغرابة تحت الشمس.
أسفل كرسي السائق تحسس العبوة دون أن يحول نظره عن الطفل والجندي الأشقر. في مرآة السيارة منظر ذقنه المحلوقة جيداً جعله أصغر بعدة سنوات. ذكره بأيام زفافه. نفس الوجه الأبيض المشوب بحمرة خفيفة لكن بدون الهالات السوداء أسفل العينين. ابتسم لنفسه فزالت التجاعيد من جبينه، وعاد وجهه كما كانت تصفه زوجته " جميلاً ويبعث على الاطمئنان "
الرائحة القوية للفاكهة المحصودة حديثاً والمحملة على السيارة انتشرت في المكان عندما أوقف السيارة. أخذ نفساً عميقاً. " أنت برتقالة كبيرة " هكذا كانت تداعبه عندما ينتهي من تحميل صناديق الفاكهة. " فهل تعصرينني؟ " ويبدأ بالضحك عليها وهي تأخذ في الاحمرار كتفاحة، وتدفن وجهها في صدره المتعرق برائحة البرتقال. وضع يده على صدره وأحس برأسها هناك. أزاح يده إلى مقود السيارة الحديدي وهو ينظر اليهم وهم يقتربون. الطفل والجندي الأشقر يتضاحكان. انضم جندي آخر إليهم، أكثر توجساً. الخوذة على رأسه. عيناه اختفتا خلف نظارة سوداء . "هذ ا لا يبشر"
تقدم الجندي الأشقر باتجاهه. رسم ابتسامة على وجهه الحليق ونزل من السيارة. قال بعبرية متماسكة: " أحمل فواكه، أريد بيعها في القدس، السياح يحبون الفواكة الطازجة " أخذ الجندي الأشقر برتقالة. وضعها في جيبه، فانتفخ بشكل غريب، ورمى بأخرى لزميله.
أمره بجفاء أن يبتعد عن السيارة، فبدا أن الأشقر جاد في التفتيش. الجندي الآخر، بدا عليه الاطمئنان. أخفض سلاحه باتجاه الأرض
Normal
0
false
false
false
MicrosoftInternetExplorer4
/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:”";
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;
mso-ansi-language:#0400;
mso-fareast-language:#0400;
mso-bidi-language:#0400;}
وَرْدَة سَقُمْقٌم ..
مسرحية في مشاهد تأليف :
درويش الأسيوطي
2009
